高% 卡嘅上限係「每月」,唔係「每筆」
譬如加碼回贈每月封 HK$500,你月頭碌咗大額食晒, 嗰個月之後所有簽賬都只有基本率。想食盡就分開兩個月碌。
大額簽賬用邊張卡？
買 iPhone、換冷氣、畀裝修訂金 —— 呢啲一次過大額,揀卡邏輯同日常買餸完全唔同。高% 卡幾乎全部有每月上限,一筆過碌落去即刻封頂, 帳面 5% 隨時變 1%。下面用審核過嘅上限規則計實收,唔係淨係比大細。
師兄一句總結
大額簽賬真正嘅錢唔喺回贈率,喺迎新。 一筆 HK$9,000 嘅簽賬,靠回贈率最多攞返幾百蚊; 但同一筆錢攞得到一個迎新,隨時值一兩千。 所以先睇下面「打爆邊啲迎新」,再揀回贈。
即刻計你要碌幾多？
🎁 呢筆簽賬打爆邊啲迎新？
迎新要求係「發卡後 N 日內簽夠 HK$X」。一筆大額往往一次過搞掂 — 但記住要新卡到手之後先碌,順序調轉就白費。 ⛔ 一筆錢只可以碌一張卡 — 下面係「呢個金額夠資格嘅選項」， 唔係可以同時全部攞到，要揀一張。獎賞分檔嘅,未簽到頂檔就攞唔到 headline 個數。
⚠️ 大額簽賬四個伏
為咗迎新開卡,記住監期未過唔好 cut
大部分行要養 12–13 個月,早 cut 會扣返份迎新。 逐張睇 冷河期 + 監期一覽。
轉咗免息分期,回贈同迎新可能唔計
好多行嘅條款寫明分期交易唔屬合資格簽賬。碌之前睇清楚, 唔好為咗免息蝕咗成個迎新。
實體店 vs 網店,算唔同類別
同一部機,喺官方網店買計「網上」,去門市計「本地一般」, 回贈率可以差幾倍。上面個計算機記住揀啱類別。