手續費：多數銀行 0%
滙豐、中銀、東亞、恒生、渣打、DBS、中信、AEON、上海商業、創興等都容許喺網銀繳費揀信用卡找稅單。呢個就係銀行廣告講嘅「信用卡交稅」。
信用卡交稅：碌得，但回贈唔係咁嚟
師兄一句總結
可以碌卡交稅 —— 但唔係直接向稅務局碌，而係經銀行網上理財嘅「繳費」功能 （多數銀行唔收手續費），或者 Citi PayAll、電子錢包（要手續費）。 關鍵係：回贈唔係嚟自你張卡個回贈率。絕大部分卡嘅條款都明文剔走稅款， 你見到嘅「交稅賺回贈」全部係要登記嘅季節性推廣 —— 另一套嘢。 分唔清呢兩樣，就會以為自己碌咗有 2%，實際乜都冇。
⚠️ 呢版改正過
2026-08-30 呢版一度寫「交稅唔可以碌卡」—— 錯咗。當時我攞「卡嘅一般回贈率條款 剔走稅款」去否定「銀行嘅交稅推廣」，兩者根本係兩回事；又攞稅務局自己嘅收款清單， 當成全世界唯一途徑。多謝讀者質疑先捉到。師兄拆解都補返一條，見「你以為 vs 其實」。
💳 可以用信用卡找稅嘅渠道
機制部分已對官方頁核實；各行手續費同推廣期屬業界整理，標示咗嘅要稅季再逐間對官方覆核。
手續費：設定時顯示;要賺積分／回贈就要揀畀服務費(過往為 1.8%)
Citi 官方列明支援「稅項」。揀 HK$0 服務費嘅話該筆唔賺任何積分／回贈。
手續費：約 0.6%–2.5%
用信用卡經錢包交稅,收手續費。手續費同回贈要淨計先知賺蝕。
❌ 唔涉及信用卡嘅渠道
係碌卡增值錢包,再用錢包餘額掃碼交稅。回贈嚟自「增值」而唔係「交稅」— 而好多卡明文寫住錢包增值唔計回贈,要逐張睇。
稅務局官方渠道,用嘅係銀行戶口或現金,唔涉及信用卡。
🔑 最多人搞錯嗰樣：兩套回贈
你張卡個 %：稅款多數唔計
下面 6 張卡嘅官方條款明文將稅款剔出合資格簽賬。 即係你唔登記任何推廣，淨係碌卡交稅，回贈係 0。
銀行廣告賣嘅係呢個：要登記
典型結構係「經本行網銀以信用卡交稅滿 HK$X + 登記 → 回贈 / 獎賞錢 / 里數」， 有推廣期、有上限、通常要事先喺 App 登記。冇登記就等於冇。
📅 而家係咩時候？
稅季推廣通常喺 10 月至翌年 4 月。截至 2026-08-30(淡季),上一輪(2025/26)大部分推廣已過期,2026/27 新一輪多間銀行仍然待公布。⛔ 唔好照抄舊一輪嘅數字當今年 — 稅季開鑼要逐間對官方頁重新核實。
所以你而家（8月月）睇到嘅「2026 交稅優惠一覽」文章，好多係上一輪嘅過期條款。 師兄唔會照抄舊數字當今年 —— 稅季開鑼、官方條款出咗，呢版會逐間核實再上。
❌ 呢啲卡條款明文寫住「稅款不計」
呢部分係我哋自己逐張對官方條款核實嘅，講嘅係一般回贈率，唔包推廣。
網上繳費（水電煤/保險/其他銀行卡數）及交稅明文不計 +FUN
網上繳費及交稅不屬合資格簽賬（enJoy 不適用網上繳費儲分）
繳費（包括稅款及公用事業）經網上/櫃員機/電話理財等均不計回贈
稅款、網上繳費/公用事業/保險費、Citi PayAll、轉數快均不計
公共事業繳費、稅款、電訊費用明文列為不合資格
稅款及所有水電煤帳單（經 Amex 戶口/合併繳費）不計回贈
🧮 決定之前計三樣
手續費 − 回贈 = 真數
銀行網銀多數 0% 手續費，電子錢包收 0.6–2.5%。 錢包收 2% 而推廣得 1%，即係倒蝕 1%。同海外簽賬手續費 一樣道理。
還唔到 full payment，回贈立即冇意義
信用卡年利率可以去到三十幾厘。追嗰 1–2% 回贈， 但拖一個月利息就蝕突。稅款金額大，呢個風險唔細。
稅貸利率先係最大嗰條數
稅季各行推稅務貸款，實際年利率差幾個百分點， 金額遠大過回贈。同時你其他大額支出可以攞去打爆迎新 —— 用 大額簽賬計算機 睇。
水電煤同其他帳單嘅回贈情況睇 繳費回贈一覽（14 張卡逐張核實）· 電子錢包增值計唔計回贈睇 電子錢包增值 · 日常最抵用 邊張卡最抵計算機。